متحدہ عرب امارات میں غیرملکیوں کے لیے انتہائی پرکشش رہائشی منصوبہ
شارجہ(نیوزڈیسک)متحدہ عرب امارات میں اقامت اختیار کرنے والے سرمایہ داروں کے لئے خوشخبری ہے کہ اب وہ شارجہ میں زمین کی خریداری کے ساتھ ساتھ تمام زندگی وہاں گزار سکتے ہیں جس کی وجہ حال ہی میں حکومت کی جانب سے وہ نرمی ہے جس کے مطابق غیر ملکی شارجہ میں 100سال تک زمین لیز پر حاصل کرسکیں گے۔
متحدہ عرب امارات کے لئے نئی ویزہ پالیسی کا اعلان
تفصیلات کے مطابق ایسے غیر ملکی جو شارجہ میں رہنے کا ارادہ رکھتے ہیں تو وہ طلال سٹی میں زمین لیز پر حاصل کرکے مستقل اقامت اختیار کرسکتے ہیں۔ طلال سٹی شارجہ ایسٹ مینجمنٹ اور ایسکان رئیل اسٹیٹ کا منصوبہ ہے ،ایسے غیر ملکی جن کے پاس متحدہ عرب امارات کا اقامتی ویزہ ہو گا وہ یہ لیز 100سال کے لئے لے سکتے ہیں۔طلال پراپرٹیز کے چئیرمین شیخ سلطان احمد بن القاسیمی کا کہنا ہے کہ حال ہی میں حکومت نے 100سالہ لیز کا قانون منظور کیا ہے جس کے بعد غیر ملکیوں کے لئے یہ ممکن ہوگیا ہے کہ وہ زمین لیز پر لے کر رہ سکتے ہیںاور امید ظاہر کی جارہی ہے کہ اس اقدام سے شارجہ میں غیر ملکی سرمایہ کاری آئے گی۔ ان کا کہنا تھا کہ طلال سٹی 1600پلاٹس پر مشتمل ہوگا اور اس میں اپارٹمنٹ، گراﺅنڈ، شاپنگ مال، جم وغیرہ ہوں گے جبکہ اس کا پہلا مرحلہ دسمبر 2016میں مکمل ہوجائے گا
0 comments:
Post a Comment